平安夜的更新

一睇個archive, 原來不知不覺已經一個星期無寫筆記 ...

記最近的兩件事吧:

大市

自12月14日以降, 大市又走了一轉反彈.  這些戲碼, 都不用多提, 反正不是炒藍籌的, 其實參考意義不大.

最近思考的課題是, 如何理解近期的投資風氣和趨勢, 及尋找不論市況均能45度角向上的強勢股?  這不是一個容易的課題, 但卻很值得我這種投資者去諗, 蓋因可預見16年的上半年, 會KEEP住好忙.

如早前每晚刨每份公告是不可能的了, 一定要更加SELECTIVE.  最近那批聞到錢味的股票, 如有再出現, 會是好選擇.

最近的股票對兩種東西十分敏感, 一是資產, 二是特息.  如王雅媛所講, 內地資金用錢買資產, 業務, 放番入自己的BALANCE SHEET在A股得到市場溢價, 令本地資產水漲船高.  可以從PB折讓及資產優質度揀股, 揀大唔揀細.

資產

在此條件下, 目前只睇兩隻, 一隻係持有優質商廈, 資產半價折讓的永安國際 (289), 有息派, 有回購.  買得既都非善男信女, 絕對是長時間作戰.  另一隻係美麗華酒店 (71), 早前五送一認購股權, 疑似是變相增持, 呢隻等收成都要2, 3年, 也是長期作戰.

特息

最近兩隻內地超市股, 一隻大股東買回蝕錢業務, 收益派特息, 皆大歡喜又乘機憧憬賣殼; 另一隻啲基金輸到瞓街後溢價90%私有化退市.  內地超市積弱板塊可以睇睇.  有言物美(1025)是退市再在回歸A股, 但以此睇可以搵下其他內地商場或者超市龍頭會否有同一意向, 及其他小一點的會否以同等方法套公司現金, 都是那句, 以A股市場角度, H股資產真係好平.

錢味

最近國際精密(929)的敵意收購, 十分過癮, 出價也顯誠意, 為此, 我買了$168 SIM CARD, 預備在外遊時, 復牌就入貨.

年回報

初部預算, 如果下星期變動不大, 則在30%左右, 回來再計數.  在此祝大家聖誕快樂, 新年快上 :D

近期的跌市（7-10/12）

雖近日事忙，但也不得不記一下這週的跌勢。

恒指雖然只是輕輕的跌了600多點，但很多二三線股份己歷大震盪。自己的組合，不消提，當然是慘。可能是因為工作忙的關係，又或者是經歷過七月那次股JOY，今次己無痛感，反而思考上，己進入愈跌愈有投資價值，準備出手撈的心態。

星期二，甫開市己跌破220關口，心諗又是恒指波幅？買入中海外（688）＠26.4，炒反彈。星期三，看牛熊圖利淡，應有機會跌到213, 688喜出望外，強勢逆市而行；星期三晚出了一個回購美債的公告，應屬利好消息，竟把688打下來...不解，唯有聽天而行，等。

星期二尾市也手多多入了中外運（598）小注＠4.47。投機不成，理應在星期三開市沽，誰知貪那幾格就輸了幾毫...再次詺記投機與投資的分別。

誠然，心情會不好過，但更應在處理心情以後，思考步驟。股票，買在不貴的價錢；錢，是自己又不是借番黎，其實真係應該坐住黎等運到兼nothing to loss。

慶幸自己看過一些股份，如上海電力（2727），都沒有參與撈底，不然都係蝕多賺少。

市況不好玩。自己參考大市個股及牛熊走勢，近日是托住恒指成份股黎沽二三線股，到恒指成份股都大跌，應該就是全軍出動之時。繼續守株待兔，穩守突擊。

上海電氣(2727)的重組

今早在開市前才花了半個小時去看這單重組交易 - 證明我這個週末真的怠慢了, 原來公告是上星期五晚一點的時間已經公佈了.

公告包括兩部份, 第一, 資產置換, 差價向母企發行A股支付; 第二, 非公開發行A股集資.

先講資產置換.  由於不是機電類的材料, 只留意在財務細節.  置出蝕錢的資產, 置入整體上來說是賺錢的資產, 基本上是PASS了.  有留意到, 作價不算平, 不過此股本身不會平, 所以不作這方面的思考, 只明白到算是換入比較優質的東西好了.

令人欣喜的是, 今次是發行A股而不是H股去付帳.  有見上次華能國際(902)的情況, 在大幅發行折讓H股 VS 小幅發行折讓A股的選擇下算了後者, 算是對H股的股東有一個交代, 也免卻一個災難.

今日也有留意AO價, $5.19, 比停牌有7-8%升幅, 此價錢下不追了, 明顯市場很清醒.  人說, BUY AT RUMORS SELL AT NEWS, 期待已久, A股炒過上廿幾蚊H股都炒到8 -9蚊的重組事項終見家翁, 無論是東施還是西施以後都再無暇想.

有此先例, 可預期到中外運(598)的故事應該大致相似.  一, 兩個月的停牌, 復牌高開走人, 雖說停得牌就勝算高, 唯一考量的只是注碼與時間相比下的值搏率.

用一小時做了週五和週日的功課都無甚雞血股可以發現, 今日應該都係留有彈藥靜觀其變.

一週回顧 (30/11 - 4/12)

說真的, 自從再次寫BLOG之後, 對研究股票這回事更加認真了.  雖然整個星期都沒有貼新文, 但功課從無懶惰下來.

以草稿形式記下一些功課.

組合回報

沒有仔細記下回報, 不過看到幾個持倉重的股份表現都不濟, 組合回報也不會好到那裏去.

目前的組合, 都不是很稱心的陣容.  如前所述, 一直心儀的體育代工股, 都沒有在被發掘前買下去, 現在就算回調而撈, 也買不到重注.

市場感覺

自從隻人造牛吹爆咗之後, 市場連一向最有憧憬的國企改革都幻滅埋, 一眾國企股偶然還會搞一些GIMMICK出黎做下動作, 但市場反應都好差.  華能國電(902)配股價, 守不到一星期就破了, 電力股繼續尋底;  燃氣股也毫無生氣, 量增價減只炒了一日; 證券股曾因A股IPO重啟而動L過一下, 但上星期末又因中央巡視組進駐內銀, 證券而打落嚟.

星期一, 曾因判定國泰君安國際 (1788), 海通國際 (665)屬錯殺, 而打算買入, 但等不到好價.  一週回顧, 買了也沒有好回報.  當日最有決心買入的是隨大市回調的內房, 可惜因太PICKY而沒有買到688.  在上一個回調 (16/11) 曾以$20.15 買入潤地 (1109)炒反彈, 結果$20.8 就交晒貨, 呢一浪, 升過去$22, 中海外 (688)表現更好!  所以今次就睇實688, 點知都是緣慳一面.

總括而言, 大市不就.  星期三, 四, 五開始, 下跌股份比上升股份多, 但偏偏有啲偏門啲既方法卻搵到食.

雞血股

這只是筆者對市場上一些本身無投資價值, 但卻因一些冷門事件而突然間好似打了雞血一樣瞬間亢奮暴升, 但最終都因為出現免疫反應而奄奄一息的股份.  當然, 這種文革時代流行的"保健方法"的確是適合去形容一些"合乎國情"的股票.  更甚者, 的確令到筆者認為這可能是面子工程的一部份 (當然這樣想又有點誇張了....)

這種絕對是投機, 毫無懸念, 也不容久戰, 多數持股不會多於半小時, 而且要嚴守紀律.  有些問題股, 你話玩你半粒鐘即落閘, 可能性不高, 但渣得愈耐風險愈高.  筆者已觀察了兩星期, 下星期開始會小注怡情.

績優股

上次批愛高 (328)無上升空間, 點知又真係升, 打咗一巴, 令到我都要留意同相信吓啲績優股.  大市不就, 資金從投機轉投資, 總要搵啲績優股壓下倉.  睇咗一輪業績之後揀左皓天財經 (1260).  早前在偉哥BLOG同PHONE NG先生討論過, 至今, 我也是不信深港通會為港股帶來正面影響.  只買業績好, 第四季及16年第一季的IPO量, 不作他想及不打算作長線持有.

本週操作

終於同瀚洋物流 (1803) SAY GOODBYE, 平均價 $0.82清倉.  其實應該早放了, 這隻已拖太久.

買入皓天財經 (1260)@ $1.93.

(16:30 4.12.2015)